Analfabetisme XXI

Hè uns dies liegí, en ua revista d’àmbit estatau, un article qu’encastraue er analfabetisme deth sègle XXI en apréner, desapréner e reapréner. A diferéncia dera optica analitica en saber liéger o escríuer deth sègle passat

Era quatau revolocion industriau, que tot just a començat, provòque era obligatorietat d’adaptar-mos a ua Transformacion Digitau sustentada en tecnologies qu’entà ua gran part dera societat encara son a futur. Un error, arren mès luenh dera realitat! Aguest error mos pòrte, sense da-mo’n conde, a crear un mur de conseqüéncies importants entà un madeish e sustot trascendentaus entàs mès joeni. Fòrça dera poblacion adulta s’a convertit en negacionista tecnològic e impossibilite, vèir, captar e desvolopar talent, esturment vitau entà arténher progrès personau e collectiu a partir d’ara. Quauqui des efectes reaus d’aguesta Transformacion Digitau dejà les podem vèir, e fòrça persones patir. Trebalh desde casa, segurament coneishetz dejà beth exemple; es relacions tamb eth banc, es mès tecnologics an vist coma s’a redusit es sues visites a entitats bancàries; es relacions sociaus, guaire de vosati non utilitze aplicacions de messatgeria instantànea?; era “nube”, guaires de vosati non a bèra aplicacion d’enmagatzematge en sò que diden era “nube”? E poderia contunhar tamb era quotidianeitat.

Tanben efectes que, en grans urbes, ja estan emergint: condicions laboraus canviantes, eth distanciament tamb era cultura dera propietat o aplicacions que faciliten es relacions sexuaus. Açò dejà forme part des canvis qu’era Transformacion Digitau està creant. Sense obviar es efectes sociologics e sociaus qu’açò provòque.

Crear murs ei un impediment ath progrès personau. Era formula entà adaptar-mos-i ei apréner, desapréner e reapréner.