¡Er AVLO per Lleida!

ER AVLO a de hèr parada en Lleida. Ei imprescindible! Eth men supòrt ara protesta des Terres de Lleida entà hè’c possible. Mès, aguesta protesta s’aurie d’exportar ath Parlament de Catalonha, entà expressar explicitament eth supòrt a un model de País just e equilibrat e, tanben, entar Ajuntament de Barcelona, entà qu’aguest sigue responsable en tant que caplòc de Catalonha. Era Generalitat, tanben, à era sua responsabilitat.

Hè uns dies, en article “Lleida perd”, explicaua que èm ena transicion d’un canvi trascendentau entàs Terres de Lleida, eth perjudici de passar der “equilibri territoriau”, coma projècte collectiu e nacionau, ara “perifèria territoriau”, coma projècte centralista vist des de Barcelona. Se es principaus institucions de Catalonha (Parlament, Generalitat e Ajuntament de Barcelona) non i diden hèn arren, se constarà eth canvi conceptuau de model. Es perjudicis entàs Terres de Lleida seràn progressius e dramàtics.

Era parada der AVLO en Lleida, non ei sonque ua qüestion de justícia, senon ua obligatorietat d’equilibri economic just e d’oportunitat. Clau entara redistribucion dera riquesa qu’aguesta infraestructura cree.

Es organitzacions politiques que trebalhen pes Terres de Lleida an deuant sòn ua oportunitat entà liderar aguesta iniciativa tamb personalitat pròpia, coma projècte locau. Se non ac hèn o ben ac dèishen en mans de tresaus, o de mès naut nivèu jeràrquic, arribaríen a impregnar-mos d’ua imatge sucursalista, d’inexistència de projècte e manca de personalitat Lleidatana.

Es mieis de comunicacion, es agents economics e sociaus, e fòrça mès actors, an d’establir ua estratègia de luita e pression qu’à dèster exitosa. Cas contrari, Lleida perd! Un aute viatge.