Respecteu Lleida

Què ei Lleida? Que ei eth Pirinèu? Sò segur que se demanes en Barcelona, ara prumèra pregunta te responeràn qu’ei eth uart de Catalonha. Ara dusau te diràn qu’ei eth patrimòni naturau de Catalonha que cau preservar. Totes dues respòstes auvediràn ara propietat, ara possession, coma concepte. Barcelona hè fòrça ans qu’à abandonat eth ròtle de caplòc deth País, s’a convertit en poder centrau dera accion politica e publica de Catalonha. En aguest nau dogma apropiat pera totalitat de fòrces politiques tamb representacion parlamentària, es que i perdem èm Lleida e eth Pirinèu, coma colectivitat.

I a fòrça pròves; era pèrta de servicis públics, eth retràs ena melhora des infraestructures existentes, era non prevision en mapa d’infraestructures clau entath sègle XXI (corredor mediterrani, corredor 5G, eca). Es pagesi e es ramadèrs son era personalitzacion d’aguesta forma de hèr. Ara, tamb era Covid-19 mos etiquetaràn en benefici de tresaus.

Es Terres de Lleida e eth Pirinèu son riques de possibilitats, d’oportunitats, e de futur. Mès aguest futur non a d’èster en benefici de Barcelona, a d’èster entàs que viuem e trebalham en aguestes terres, generacions qu’an hèt d’aguesta sò que èm auè.

Enes darrèrs dies e vist conducte racistes, sectàries e intolerants per “ser de Lleida”. Les denonci, les condemni e hèsqui un prec entà tornar a Lleida era dignitat que merite #LleidaNoÉsAixò. Culpabilitzen entà non assomir es sòns fracassi.