Eth PNC, “modernitzador”

Eth Partit

Nacionalista de Catalunya (PNC) a neishut entà èster un esturment de canvi e modernitzador deth sistèma polític e de partits en Catalonha.

Eth PNC, formacion recentament creada, ei ua organitzacion politica transformadora, regeneradora, transparent e dubèrta qu’aufrís un projècte nauedós, tamb era maxima ambicion nacionau e un pragmatisme polític que rehuse era unilateralitat, era confrontacion permanenta, era quèisha instalada e eth populisme dominant ena actualitat.

Eth Partit Nacionalista de Catalunya ei un moviment socioliberau que place era centralitat politica en camín d’un canvi entà tornar a lheuar Catalonha a toti es nivèus. Focalitzam eth nòste projècte enes persones, autònoms e enes empreses, d’extrem a extrem deth territòri.

Paralelament, eth motor (organitzacion) deth PNC s’està creant e configurant tamb es elements mès subergessents, e clau, dera Transformacion Digitau. Ua organitzacion dubèrta, dinamica, innovadora e flexible premanida entà hèr frònt as reptes e risqui qu’auem en present, as demanes e exigéncies dera ciutadania e inclusiva entà pujar ath País en tren des oportunitats en encastre dera Quatau Revolocion Industriau.

Era captacion e gestion deth talent, era gestion de persones e equips, era horitzontalitat der empoderament, era escala de valors, era integracion d’elements e servicis clau de base tecnologica e era implementacion d’un sistèma d’inteligéncia colectiva, son quauqui des elements que haràn deth PNC un agent modernitzador des politiques publiques e catalitzador de prepauses realistes.