JxCat vs. ERC

En paraules

der eurodeputat Toni Comín (JxCat) “hem començat la guerra freda”, contra ERC.

Liejudes aguestes paraules, er imaginari me portec a “la guerra fría” entre Occident e era URSS. Ua guerra que portèc, ath mon, a un enfrentament de domini e de superioritat ideologica sistemica. Vò díder que mos trapam deuant d’un moviment (JxCat-ERC) tamb volentat de domini ideològic en Catalonha? Tamb milers de persones en caumatge, milers de persones en ERTO, milers de persones enes minjadors sociaus, milers de persones tamb impagaments, es Okupes en tot vulnerar era propietat privada, cada viatge tamb més violéncia en carrèr en tot produsir un increment dera seguretat personau e colectiva e fòrça mès situacions de risc e d’exclosion sociau. De vertat era politica en Catalonha a deishat d’auer un objectiu nòble entà convertir-se en ua luita dogmatica e de poder entà mantièr cagires e status quo? Non ei ua deduccion mia, ei ua constatacion enes paraules d’un eurodeputat de Junts que vò eth domini ideologic, peth dessús des persones e empreses.

Ei eth moment d’apartar, des Institocions catalanes, aguesti líders polítics entà dessenhar ua naua estratègia qu’auvedisque ar objectiu nòble dera majoria de ciutadans de Catalonha. Ei a díder, ua naua estratègia entà lheuar Catalonha. Auè mos trapam pitjor que hè tres ans, auè Catalonha ei mens competitiva que hè detz ans. Ua “guerra freda” que mos hè, ath conjunt dera societat, mès praubi e ad eri mès poderosi.