Eth PNC ei aciu

Era governabilitat

en Catalonha s’a convertit en un reality que cada setmana mos aufrís, en directe, episòdis neri dera politica actuau.

En mes de hereuèr, eth President Torra dèc per liquidada era legislatura, ac rebrembatz vertat? S’interpelec ad eth madeish en tot manifestar era impossible convivéncia entre es dus partits que formen eth govèrn de Catalonha (JxCat e ERC).

Era pandèmia obliguèc a arturar era convocatòria d’eleccions. Per tant e se èm reflexion, imaginetz quin govèrn està gestionant eth moment més difícil dera istòria recenta.

Malerosament, aguesta pandèmia ath marge de portar-mos era mès grèu crisi de salut publica e sanitària, comportarà era pitjor crisi economica e sociau qu’arres de nosati auram viscut. Imaginetz, tamb quin govèrn en Catalonha hèm frònt ad aguesta situacion.

E se encara non n’auiem suficient, es episòdis d’aguestes setmanes tamb eth PDEcat e d’aguesta setmana, tamb era crisi de govèrn, mos mòstren qu’eth govèrn contunhe en liquidacion, tamb es sòns deliris, es sues luites e eth sòn egoisme.

Des deth PNC (Partit Nacionalista de Catalunya) didem, prou! Auem neishut entà lheuar Catalonha, entà barrar aguest reality “imaginari”, tornar era ambicion nacionau, crear un camín sensat e plaçar as persones e as empreses en objectiu únic dera politica e dera accion publica entà garantir eth progrés personau e colectiu. Des deth PNC, volem entà Lleida e eth Pirinèu un projècte pròpi, luenh des centralismes que mos marginen.