Criminalitzacion injusta!

Ja n’i a pro! Es bars e restaurants non era culpa dera expansion de contagi deth coronavirus. Es comèrci non era culpa deth creishement de contagis. Es petites empreses non era culpa dera situacion epidemeologica que patim. Non pòt èster que se volgue criminalizar as actors economics quan eri son es victimes des decisions que se prenen, autant coma des conductes inciviques e irresponsables qu’an fòrça persones.

Era empatia a d’èster un valor obligatòri e imprescindible entà préner decisions. Ben sigue entàs que les prenen coma entà qui les a de complir, que mos correspon ath conjunt dera societat. Sense eth valor dera empatia estam envian a milers de persones ath fracàs, ath perjudici e era perta de tota ua vida. Ja n’i a pro!

Deishem d’èster irresponsables, deishem de voler hèr gracietes e deishem era ignorància de costat. Se non complim coma societat, auem d’èster conscients qu’es nòstes conductes e era nòsta irresponsabilitat estan aucint persones, empreses, comerci e illosions cada dia. Ja n’i a pro!

As governants les cau díder, tanben, que ja n’ia pro! Non pòt èster qu’es mesures que prenguen perjudiquen tostemps as madeishi, non pòt èster que quèiguen en tantes contradiccions, non pòt èster que non siguen conscients deth mau que hènt. Non pòden préner decisions tamb era destrau. Sa’c hènt, an de saber que se sotmeteran a un judici polític que les comdemnarà. Ei eth moment de deishar pas ara inteligéncia dera gestion e apartar es egos e personalismes.