Vòt efectiu

Tot soent, ath long d’ua legislatura, mos permetem era reflexion critica ara actualitat des ahèrs que mos afecten, tanben des decisions politiques que se prenen des dera govenança des institocions, des partits o coalicions.

Enes darrèrs ans, era critica majoritària per part dera gent deth carrèr a estat era perplexitat de tamb fòrça des decisions e/o accions que s’an pres e que mos an afectat ath nòste desvolopament personau, familiar o collectiu.

Eth procès polític que viuem en Catalonha, ua pandèmia que mos a deishat immòbils e es conseqüències economiques, sociaus e empresariaus qu’aguesta a provocat mos an portat a un mon completament inestable e incert. Aguest analisi servís entà entene’c ben des d’ua optica prersonau coma colectiva.

Ara, deuant dera sorpresa, mos plantam deuant d’ues eleccions entath Parlament de Catalonha, a on es emocions, era indignacion e era protesta l’expresaram a trauèrs deth vòt o ben dera abstencion.

Ac haram sense auer en compde qu’eth dia dempús es que siguen escuelhudi auran d’èster capaci de dar respòstes a toti es nòsti besonhs, tanbens as nòstes institocions. Se votam as actors d’un circ, eth resultat serà un espectacle de circ, a on pagaram era entrada, element efímer d’entreteniment mès non de solocions.

Vos demani qu’anetz a votar, e que votetz en clau qualitativa, en tot deishar es emocions de banda per injustes que poguen èster, entà auer respòstes que mos permeten visualitzar un camin efectiu e responsable. Jo votarè ath PNC (Partit Nacionalista de Catalunya).