ACCIONAR O REACCIONAR
Blockchain
![Blockchain](https://imagenes.segre.com/files/image_large/uploads/2023/09/09/64fc289383a14.jpeg)
Blockchain
Era setmana passada escriuia sus eth Bitcoin, en tot hèr tres ans deth men prumèr article, entà aufrir-vos era mia vision a cuert, miei e long termini.
Mès, perquè eth Bitcoin aufrís aguesta perspectiva de valor? I a fòrça elements d’analisi qu’en posteriors articles anaré explicant mès, er element clau e diferenciador ei que se base ena tecnologia blockchain (cadena blòcs).
Era blockchain ei ua gran base de dades distribuida, ena que se pòt registrar quinsevolh tipe de transaccion directament entre parts sense auer de besonh intermediaris, en temps reau, de forma segura e tamb absoluta traçabilitat.
Es principaus avantatges d’aguesta tecnologia, entà nomentar-ne quauqu’ues son, en prumer lòc qu’era intermediacion non ei de besonh. Imaginetz per un moment que quinsevolh transaccion, contracte, consum o compravenda d’un actiu non age d’auer un intermediari (reduccion de còsti, reduccion de temps ena gestion, melhora dera competitivitat, dera productivitat e mès).
Ua auta des avantatges d’aguesta tecnologia ei era sua rapidesa, mentre qu’ena estructura tecnologica operativa actuau cau dies o setmanes entà transaccionar un ben, servici o actiu, tamb era blockchain parlam de segons. Se’n voletz saber mès, en pròplèu article dera Revista de Ciéncia e Tecnologia “22”, encartada en aguest madeish diari eth darrèr dimenge de mes, expliqui fòrça mès.