Criptomonedes: Euròpa

Coma dejà sabetz o auetz pogut liéger enes darrèrs dies e setmanes, parli tot soent des criptoactius. E parlat deth Bitcoin, dera tecnologia blockchain e saji d’explicar eth valor que cadún d’aguesti actius aufrís entà enténer perquè tanta e tanta gent, e agents institocionaus e financèrs, invertís milers de millions d’èuros.

Derivat d’aguesta creishent apòsta, crèish tanben era preocupacion institocionau en toti es nivèus estatau, europeu e de governança globau. Ei reau era amenaça de desiquilibri d’ordre, financèr e d’actiu de canvi, de produir-se supausarie ua transformacion que provocarie tremolors importantíssims.

En aguest sens era Comission Europèa dejà pòrte mesi trebalhant entà aprovar era prumèra regolacion de criptoactius en mon. Mès, eth desconeishement de perquè existissen, coma foncionen e deth sòn èxit son es elements que placen dessús dera taula ua regolacion “ara defensiva” a trauèrs des “criptoactius estables”.

An escuelhut aguesta linha entà deféner eth sistèma monetari mondiau, basat enes actius FIAT, pensan que se regolen aguesta tipologia de criptoactius, que son dominadi pes madèishi estats e entitats financères classiques, poderan auer ua argumentacion mès potenta entà contunhar irradiant pòur ara ciutadania en tot suportar er argument “aguesti criptoactius non son regoladi” quan se referisquen a Bitcoin, Ethereum, Cardano, Polskadot, BAT e tanti mès. Es pròplèus ans demoren èster apassionants.

.