Dejà auem MÒRT

Agèr diuendres entrec en vigor era Lei dera Eutànasia, tres mesi dempús dera sua aprovacion en Congrès des Deputats. Er estat espanhòu ei eth setau país deth mon que recuelh eth dret ara mòrt digna en sòn ordenament jurídic.

Quinsevolh persona, en decision autonòma, que se trape en quauqu’un des supòsits qu’era lei prevè (toti en malauties terminaus e sense curacion), poderà acuelher-se en dret a ua mòrt intencionada e anticipada entà esvitar un patiment insufrible. Era lei prevé qu’ac pogue hèr de manera autònoma o ben delegada (volentats anticipades) en un metge entà hèr-la efectiva, aguest darrèr tostemp serà en dret dera objeccion de consciéncia.

Eth procediment entà demana’c demore definit ena pròpia lei e aurà d’éster avalat en diuèrses etapes atau coma per ua comission de garanties qu’aurà era potestat, e serà vinculanta, entà hèr efectiva era volentat solicitada preablement. Era aprovacion d’aguesta lei, qu’ara demore en vigor, incorpòre un dret individuau ara persona.

Un dret que pendent fòrça ans s’a vegut demanant e exigint per ua amplia plart era societat. Se hèm ua uelhada entà darrèr diuèrsi casi mediatitzats, e tanben jutjadi, sa’n hèt portantvèus d’un auançament sociau qu’era part mès conservadora dera Estat, tanben era ultra, sajen d’impedir tamb era presentacion de recorssi d’inconstitocionalitat.

Pendent de resolocion mès dejà en vigor. En Catalonha podetz accedir ath Canal Salut, dera Conselheria competent deth govèrn dera Generalitat entà ampliar-ne era informacion.

.