ACCIONAR O REACCIONAR
Naui “da Vinci”
![Naui “da Vinci”](https://imagenes.segre.com/files/image_large/uploads/2023/09/11/64fedb5664ac8.jpeg)
Naui “da Vinci”
Era polimatia ei era capacitat d’arténher era exceléncia en dus o mès airaus deth coneishement. Quan parlam d’aguesta, des prumèrs referents ei Leonardo da Vinci, persona que dominaue es ciéncies e es arts.
Immersi en ua Transformacion Digitau qu’està revirant e rehènt toti es sectors economics dera economia productiva atau coma toti es modèus de gestion coneishudi enquiara sua arribada ei totaument de besonh naui perfils professionals que siguen tanben polimates.
Es polimates apòrten sustot capacitat de polinitzacion-fertilitzacion crotzada, en tot portar idees-concepte d’un domini a un aute. Es polimates, en vèu de Carlos Rebate especialista, desvoloparan un papèr clau ena ciéncia e era tecnologia pera sua capacitat de connectar dominis e auer un nivèu suficient d’interlocucion tamb especialistes en diuèrses materies.
Quauqui des reptes qu’auem peth deuant ei era umanitzacion dera tecnologia, era igualtat ena creativitat e emprenedoria tecnologica e er ús positiu dera tecnologia entà minimitzar es efectes deth canvi climàtic ena transicion qu’era umanitat auem de hèr.
Un des reptes deth sistema educatiu, ena branca dera formacion professionau, a estat maridar mercat laborau e formacion professionau, ideòlegs le nomentèren Formacion Professionau Duau.
Auè, aguest debat dejà non servís e mos urgís començar a pensar en claus mès auançades, inclús non reglades que mos permeten ua flexibilitzacion dera aufèrta entara adaptacion contunhada a ua societat en canvi constant.