Naua economia

Dempús dera dusau revolocion industriau neishèc ua naua economia basada ena industria e ena manufactura. Era repercusion d’aguesta siguec transformadora en toti es àmbits, empresa e persona. Es empreses auèren de començar a daptar-se, a invertir en augmentar era productivitat qu’era tecnologia d’alavetz aufrie. Se creèren naui productes, naui servicis e era soma repercutic ena forma de víuer des persones. Provoquèc, tanben, er exòde deth camp ara ciutat.

Decades mès tard, tamb era revolocion electronica (e computacionau) eth canvi que patic eth model anterior siguec evident. Era informatica, e de retruc era automatizacion, interpelec ath conjunt dera poblacion mondiau a tornar-se a adaptar a un model, que tot e non èster completament nau, auie patit seriosament ua transformacion des sòns èishi

Ara, mos trapam ar inici dera quatau revolocion industriau e, aguesta provocarà ua auta transformacion completa deth model economic, productiu e financèr mondiau. Era transformacion digitau e era transicion ecologica son es dus èishi ena que sustentarà aguesta revolocion. Un des prumèrs efectes, dejà visibles, ei era trencadissa cultura e intergeneracionau ar entorn dera tecnologia, deth sòn ús e deth sòn coneishement. D’aguesta revolocion en sorgirà ua naua economia, era economia digitau (dificila de compréner mès imprescindible entà un futur). Aprofitem es oportunitats que se mos presenten, non volguetz víuer en un present tamb nostalgia deth passat, ei ua fantasia.