Aliança en Pacífic

Sò prohondament

europeista, tant que sonque combregui ua esperança entàs pòbles que integren Euròpa, un govèrn Europeu escuelhut en sufragi liure e directe peth conjunt dera Union.

Hè pògues ores auem coneishut era Aliança deth Pacífic; es EUA, eth Regne Unit e Australia s’an metut en alèrta còntra es amenaces armamentistiques e tecnologiques dera Xina. Era pregunta que mos cap donques ei, a on demore era Union Europèa tamb aguesta Aliança Occidentau creada? Donques, dehòra de jòc.

Aguesta, ei ua pròva mès dera mancança de projècte europèu, dera mediocritat des dirigents europèus en politica exteriora e deth fracàs dera organitzacion politica e institocionau intèrna. Era Presidenta Van der Leyen, a plaçat dessús dera Taula era idea dera Union Europea dera Defensa, ores abantes de conéisher aguesta naua Aliança sense era Union Europea, ua reaccion ara pasivitat e cada viatge mès incompeténcia deth trebalh Exterior que s’està portant a tèrme.

Euròpa demore darrèr en Tecnologia, demore darrèr en progrès econòmic, demore darrèr en politica exteriora e ara, tanben, demore darrèr en ua aliança estrategica e globau coma eth pacífic. Ath pas que vam, e confii que non, vam a demòler es pilars dera constroccion europèa. Eth vertadèr debat a daurir e tamb urgéncia ei era organitzacion institocionau, politica e administrativa publica en conjunt dera Union, sense resòler aguest debat contunharam depenent de variables exteriores e de tresaus, en tot perder era libertat e era sobirania deth nòste futur coma europeus.