Nau ordre mondiau

Dempús dera dusau guerra mondiau, Occident liderat pes Estats Units liderec un nau ordre mondiau sustentat ena patz e un model economic liberau que garantic pendent decades un progrès economic mondiau. Siguec ena darrera decada deth milèni anterior que canvis trascendentaus en aguest sistèma economic se desboqupèc e desumanizèc, en tot deishar eth liberalisme entà daurir era pòrta ath neoliberalisme. Coma he comentat abantes, siguec ena darrèra decada deth sègle passat qu’eth sistèma comencec a perder era esséncia deth sòn neishement.

Mès, coincidéncia o non aquerò ac auríen de díder istoriadors i auec ua coincidéncia d’aguest canvi sistèmic tamb era queiguda dera antiga union de republiques sovietiques URSS.Era crisi financèra dera prumèra decada deth milèni actuau hèc florir toti es maus d’un sistèma que s’auie protituit e ilimitat ena sua ambicion per créisher sense base. Tamb aguest prètzhèt eth mon viuec un trincament economic e sociau sense precedents. Mès, er ordre mondiau contunhec sense variacions possat peth creishent proteccion e patz mondiau.

Un que escriu aguest article neishèc un viatge restablida era democracia en Espanha, rebrembe era queiguda deth mur de Berlín e tanben era queiguda dera URSS. Aguesti hètz istorics m’auien creat ua consciéncia de patz, d’estabilitat belica occidentau e m’aufrie eth solet pilar que demoraue en pè. Mès, eth dictador e genocida Putin a tirat peth tèrra era mia conciéncia e consciéncia, e sò mès important a trincat er ordre mondiau de progrès e patz.

Auè, s’està construint un nau ordre mondiau e arres pòt díder quin serà eth resultat finau, sò que jo pogui vèir ei qu’era politica e es interessi d’aguesta passen peth dessús des persones, deth planeta e de tot sò que hèsque falta. Era heréncia que deisharam non ei digna ne justa entàs que vien, e aurà estat culpa nòsta.