Metaverse university

Hè uns ans descorbrí era tecnologia blockchain (cadena de blòcs), ua tecnologia que se presentec ath mon sustentant eth Bitcoin. Pendent mès de detz ans, eth mon a guardat Bitcoin per sò que supausaue a nivèu de cotitzacion, entà guanhar diners o ben coma possible element d’intercanvi. Pògui en mon auèrem era curiositat de guardar qu’ère eth Bitcoin, quina tecnologia le sustentaue e perqué fòrça gent predie sò que supausarie.

Ar inici d’apréner sus aguesta tecnologia me trapaua sorprès dera sua arquitectura e de coma anaue evolocionant, mès i auèc ua causa qu’artenhec cautivar-me entà saber-ne mès, aguesta tecnologia melhoraue eth sistèma organitzatiu, productiu, econòmic e polític que coneishem, que dempús dera crisi financèra de 2008 comencec a estofar-se e auè viu ua mòrt lenta. Es propìetats d’aguesta tecnologia superauen totes es expectatives e començaue entà jo un camín d’aprenentatge diari. Paralellament era evolocion d’aguesta tecnologia t’obligaue a saber-ne cada dia un shinhau mès e atau m’obligaue a anar creant transicions intelectuaus entà sajar d’explicar-la.

Era formacion e es coneishements qu’è artenhut pendent es darrèrs ans e era arribada dera pandèmia accelerèren tot eth procès.D’aguesta istòria, eth resultat le presenti dimarts en Barcelona, era Metaverse University, un projècte que neishèc d’ua idia e que dejà presentam ath mon. Era Metaverse University vò plaçar es bases d’un nau sistèma educatiu, de naues metodologies d’aprenentatge e sustot de capacitar as persones a trauèrs deth sòn talent entà acompanhar-les a diboishar es itineraris d’un futur qu’eth sistèma qu’auè coneishem non le garantitze, ben ath contrari. Vos hèsqui ua auança de sò que passarà dimarts en Barcelona, qu’un servidor començarà presentan un projècte a nivèu mondiau en aranès.

En sò segur que beth dia le poderè presentar completament en aranès.