Regulacion dera web3

Fòrça gent, sustot es boomers e era generacion X, rebrembam eth neishement d’Internet. Ère er an 1995 quan arribec as mieis mans eth prumèr “mòdem”, eth prumèr dispositiu que me permitie conectarme a sò que definiren coma er Hilat d’Hilats. Aqueth principi d’internet le rebrembi especiaument perquè es nets se hègen longues e eth tapatge dera conexion desvelhaue as pairs en tot non enténer que hèja ad aqueres desvelhat.

Se me daurie un mon que dejà non l’e deishat e le defensat.Ath miei dera prumèra decada d’aguest milèni neishie, impulsat per ua melhor connectivitat de dades, un nau concèpte d’Internet batejat coma era web 2. Facebook, Google, Twitter e tantes d’autes mos dauric era pòrta ara interaccion entre elements, venguie ath mon eth “share”. Se popularizaue er smartphone, e sustot er Iphone.An passat quinze ans d’aquera evolocion tecnologica, e ara non sonque se mos presente ua evolocion d’Internet senon que mos ven ua transformacion de sò qu’auem entès coma Internet enquiara, era Web3.Era web1 ère un esturment unidireccionau, era web2 se hège bidireccionau centralitzat e era web3 serà un esturment multidireccionau, capilar e descentralitzat.Era web3 pivotarà era transformacion digitau, liderada aguesta pera tecnologia blockchain que coma dejà e parlat quauqui viatges suprimís era intermediacion entre dus elements e permet portar ath mon a ua descentralitzacion des modèus estructuraus d’un sistèma que dejà a arribat ara sua fin.Entà méter un exemple, Japon dejà a regolat sò que serà eth nau concepte d’internet e met ath dessús dera taula ua normativitzacion que daurís era pòrta ara creacion d’ua naua economia e d’infinites possibilitats entà èster socialitzades per totes es capes dera societat.Ei eth moment qu’eth sistèma polític se desacomplexe, sigue valent e comence a trebalhar enes naui escenaris que dejà s’estan creant, cas contrari demorarà massa tard e tornaram a depéner d’agents e actors que mos vincolaran e definiran eth nòste futur.