Metavers, un pas mès

Enes pròplèu mesi, o setmanes, escotaratz parlar deth Reglament MiCa (Marketing in Crypto-Assets), era prumèra regolacion de criptoactius en mon, aprovada pes institocions europees. En sò segur qu’era comunitat cripto majoritariament en serà en còntra, quauqui tamb motius de pes, majoritàriament perqué tamb era regolacion pensen que s’acaben es bondats dera arribada des criptomonedes en mon. Ben ath contrari, eth men posicionament ei totaument a favor dera regolacion, que se ben tota ei melhorable, mos condusiarà as que i creiguem coma element de transformacion deth sistèma financèr e monetari mondiau a ua revolocion sense precedents ena istòria.

Agusta regolacion non serà era solocion definitiva entà qu’eth mon se familiaritze tamb er esturment dera criptomoneda, o criptoactiu, mès servirà entà dar-li solidesa coma element d’inversion, element financèr, element d’intercanvi, promocion e estabilitat sociau, expausar es positivitats d’aguesti esturments ath mon e sustot projeccion aplicada en cuert, miei e long termini.Es institocions europees, tanben, se trapen en tren dera regular es finances descentralitzades. E, què vò díder açò? Donques enquiara auem coneishut un sistema financèr totaument centralitzat, auiem de passar per un element centralizat que mos autoritzaue, comptabilizaue e validaue quinsevolh transaccion financèra entà portar-la a tèrme. Tamb era tecnologia blockchain, aguest element da pè ara creacion d’esturment financèrs descentralitzadi, sò que vò díder qu’eth podèr centralitzat desapareish entara aparicion de naui procediments que’en aguest cas prenaríem era consideracion de descentralitzadi; validadi, verificadi e gestionadi pera comunitat ara qu’en forme part d’ua manera totaument tecnologica, encriptada, transparent, segura e traçable.Tanben, paralelament, se prèn en consideracion e se valide oficiaument era tecnologia blockchain coma un des pilars dera transformacion digitau, que se ben entara majoria dera societat non ei important, òc qu’en ei entà toti aqueri que portam ans defensant-la e explicant es sues vertuts entà melhorar eth mon que viuem e permeter ara societat un melhor marge de libertat.