Paquets a domicili

Era arribada d’internet mos deishaue ara interpretacion elements de transformacion fòrça importanti. Se ben era web 1.0 siguec ua tarjeta de presentacion estatica e sense possibilitat de responsa, interaccion o transaccion possible entre dus agents, era web 2.0 canviec eth panorama mondiau per complet. Neishie eth concèpte e-commerce, que se ben tardec ans en posicionar-se coma disrupcion de models tradicionaus enquià alavetz, anec guanhant adeptes en foncion dera edat de crompa, dera confiança en pagament e era seguretat des transaccions.

Pendent ua decada es numeròs non parèren de créisher e eth neishement d’Amazon siguec un element d’assolidament culturau d’aguesta naua transformacion de crompa per part dera poblacion mondiau.Era arribada dera pandèmia provoquèc ua acceleracion dera cultura de crompa per internet, tant ei atau qu’era ciutat de New York passec de 2,3 millions d’entregues diàries a 3,7 millions. Auè, aguesti numeròs se mantièn en 3,6 millions d’entregues diàries. Ei evident era melhora que mos aufrís un servici logístic que cada viatge ei mès competitiu e excellent, redusint temps enquià arribar ath madeish dia dera demana d’un paquet.

Inclús, dejà existissen models de negòci que le nomenten “la última milla”.Se guardam aguestes dades des d’un prisma d’equilibri e de responsabilitat, podem vèir coma aguest avenç e confòrt qu’es societats auançades arregraïm, compòrte un hilat de problemes que cau èster conscients que van dera man. Er augment de trànsit pesat, camions en ciutats e pòbles atau coma enes carreteres, augment dera perilhositat, augment deth trànsit rodat e increment d’emissions que perjudiquen eth planeta.Era evolocion dera tecnologia ei satisfactòria en tant que mos permet redusir era friccion, mès non podem descuedar èster vigilants e protectors dera conviéncia, dera patz sociau e dera proteccion deth planeta. Aguest ei er equilibri qu’auem de sajar de gestionar e liderar, innovacion tamb responsabilitat.