Debàter

Ei ua bona idèa tostemp eth poder debàter de manèra respectuosa tamb amics, familars o a nivèu mès sociau. Daurir era nòsta ment, apréner des auti, potenciar abilitats comunicatiues o conéisher milhor eth mon. Sonque cau trapar un tèma que mos amie ara reflexion, a desvolopar debats interessants enes que se pòden deféner diferents punts de vista, toti eri valids mentres s’argumenten.Dabàter per exemple sus era situacion actuau des drets dera hemna, tèma que sentem tot soent enes mieis de comunicacion, s’a auançat fòrça, mès quede encara per hèr.

Coma ditz eth prumèr article dera Declaracion des drets umans: “Toti es èsters umans nèishen liures e iguals en dignitat e drets e, dotats coma son de rason e consciéncia, an de comportar-se frairalament es uns tamb es auti”. Podem parlar deth papèr dera hemna ena societat coma part activa en era, de coma an evolucionat es sòns drets, de coma viuen es hemnes en païsi mens desvolopats. Pr’amor qu’encara i a fòrça païsi en mon a on manifestar ua identitat de genre o ath delà èster hemna, compòrte grèus discriminacions e persecucions.E coma non, parlar des hemnes refugiades que tant apròp ac auem, cau velhar pera promocion ara autosufisença e era proteccion des sòns drets.Era igualtat de genre ei en un lòc subergessent entre es principaus drets umans e es valors des Nacions Unides.

Era igualtat e era non discriminacion son principis essenciaus dera Carta de las Naciones. Mès, maugrat tot, en mon i a milions de hemnes que seguissen patin discriminacion per çò que hè as sòns drets civius, culturaus, economics, politics e sociaus.S’an celebrat quate conferéncies mondiaus sus era hemna, era darrèra en 1995 en Beijing a on s’artenhec era incorporacion dera sensibilitat de genre coma airina entath dessenh, ejecucion e avaloracion de totes es politiques publiques.Debatim?