Castanhada o Halloween?

“Aquiu lo nomenten Halloween, aciu Castanhada”, sò complètament d’acòrd tamb aguesta frasa e pendent aguesta darrèra setmana l’auem sentut plan viatges. Mentres enes païsi anglosaxons celèbren eth Halloween eth dia 31 d’octobre, nosati auem era nòsta pròpria hèsta populara laguens deth cicle der iuèrn: era castanhada. Pendent aguest dia, familhars e amics s’amassen entà minjar castanhes, panelhets, truhes doces, fruta confitada e entà béuer moscatelh o vin doç. Tara fin deth sègle XVIII apareishec era figura dera castanhèra, sustot enes ciutats, qu’èren e son venedores ambulatòries de castanhes, e atau ath demòstren es cançons tradicionaus aprenudes pes mainatges e mainades ena escòla, pr’amor qu’ei ua des quate hèstes que celèbren, amassa tamb Nadau, Magràs e Sant Jòrdi.Era soleta causa que junh es dues tradicions ei era mòrt, moment de recuelhement e de rebrembe entàs que ja non i son. Mentres qu’era castanhada ei un rituau d’origina funerària ena que se commemore as difunts, e era de Halloween, ei ua hèsta d’origina pagana, mès se transmet d’ua manèra mès ludica, tamb un naut grad d’umor nere, atau ac demòstren es persones que se travestissen de personatges tenebrosi.Tamb eth temps es dues hèstes an arribat a èster, principaument, un gaudi entara mainadèra e podem díder, per çò que auem podut veir pes carrèrs deth pòble, que Halloween aquerís mès adèptes pr’amor qu’acomplís es madeishes foncions qu’era castanhada e Tot sants. Es dues i son tà quedar-se, ua tamb era castanha e era auta tamb era coja e es titassi coma eth major reclam.Non desbrembem era cançon dera Castanhèra que ven castanhes dera montanha ena plaça dera ciutat.