Adiu, 2023!

Deman acabam er an 2023 e vam a celebrar, a londeman, era entrada de un aute an. Començàuem er an tamb era debilitacion dera pandemia cCovid-19, encara que s’anat mantenguent, mès sense es madeishes conseqüéncies o efèctes e deishant d’èster ua emergéncia sanitària mondiau. Auem viscut era invasion rusa d’Ucraïna, era guèrra civila birmana e diferenti còps d’Estat, conflictes armats, crisis politiques e en octobre esclatèc eth conflicte israelian-palestinian.En Catalonha se celèbre eth centenari deth neishement de Victoria dels Angels, Antoni Tapies o Lluís Domènech Montaner, o es 900 ans des glèises de Sant Climent de Taüll e de Santa Maria de Taüll, entre d’aute efemerides.An Josep Vallverdú Aixala, 100 ans deth sòn neishement en Lhèida, poèta, dramaturg, lingüistica, traductor e assagista. Es 150 ans deth neishement de Ròsa Sensat Vilà, mèstra, pionèra dera renovacion pedagogica e promotora dera formacion des hemnes.En Aran auem celebrat es 50 ans d’Amics de Montgarri, 50 ans dera Fondacion Privada deth Musèu Etnologic dera Val d’Aran, 50 ans dera Còlha de Santa Maria de Mijaran, 25 ans der Archiu Generau d’Aran o era celebracion, tamb ua exposicion, des 10 ans des aiguats deth 18 de junh. Er an 2022 se declaraue An Sandaran, entà commemorar eth 80 aniversari dera sua mòrt, mès a estat enguan quan s’a dat a conéisher eth hons Sandaran entre es escolans d’Aran, ua auta figura subergessenta dera lengua e cultura araneses.Ara en començar er an 2024 tornaram a celebrar efemerides tamb er objectiu de recuperar, hèr a subergésser e divulgar era memòria de personalitats e eveniments istorics, artistics, culturaus o scientifics qu’an deishat tralha a long des ans. Eveniments plan importants entà rebrembar. Erós an nau!!